ഏതാനും നാളുകള്‍ക്ക് മുന്‍പ് പുറത്തിറങ്ങിയ സന്തോഷ് പണ്ഡിറ്റിന്റെ സിനിമയെക്കുറിച്ച് നാം പ്രത്യേകിച്ച് ഓണ്‍ലൈന്‍ സമൂഹം വളരെ ധാര്‍മിക രോഷം പൂണ്ട് പ്രതികരിക്കുകയായിരുന്നു. എന്നാല്‍ കുറച്ച് പിന്നിലേക്ക് സഞ്ചരിച്ചാല്‍ നമുക്ക് ആദ്യം നമ്മെ തന്നെ ഒന്ന് വിലയിരുത്തേണ്ടതായി വരും. ഏതാനും വര്‍ഷങ്ങള്‍ക്ക് മുന്‍പ് അശ്ലീല സിനിമകളുടെ ഒരു പടയോട്ടത്തിനുതന്നെ നാം സാക്ഷികളായവരാണ്, ഒരു അശ്ലീല നടിയെ ചേച്ചിയായി കുടിയിരുത്തിയ നമ്മള്‍ അറിഞ്ഞോ അറിയാതെയോ നല്ല സിനിമകളെ കൈവെടിഞ്ഞു. കോമഡി കലാകാരന്മാര്‍ കഴിവുറ്റ നടീ നടന്‍മാരെയും മികച്ച സിനിമകളെയും അളവറ്റ് കളിയാക്കുന്നു. ഇതൊന്നും മലയാള സിനിമയുടെ നാശമായി ആരും വ്യാഖ്യാനിക്കാറില്ല. എങ്കിലും മുമ്പോരിക്കലും തോന്നാതിരുന്ന ധാര്‍മിക രോഷവും പ്രതികാരചിന്തയും ഇപ്പോള്‍ എങ്ങിനെ ഉണ്ടായി ? കാണുവാന്‍ തീരെ താത്പര്യമില്ലാത്ത വീഡിയോകള്‍ക്ക് എങ്ങിനെ ലക്ഷകണക്കിന് ഹിറ്റ് ഉണ്ടാകും ? ഒരു തുടക്കക്കാരന്റെ പതര്‍ച്ചയെ ഇത്രയധികം വേട്ടയാടേണ്ടതുണ്ടോ? ഒന്ന് സ്വയം വിലയിരുത്തിനോക്കിയാല്‍ ഒരു പക്ഷെ ഒരു സാധാരണക്കാരന്റെ സാമര്‍ദ്ധ്യത്തോടു തോന്നുന്ന വെറുമൊരു അസൂയയായി മാത്രം ഇത് അധപ്പതിച്ചേക്കാം.
No comments:
Post a Comment